Праисториска збирка

Бронзена чаша Постари "македонски" бронзи. Бронзена чашка во форма на " афионова " чушка, составена е често од три елемента: Капак со вертикален држач, бронзено сферно монисто и тело (стомак). На двата примерока од Сува Река и Бишов Јавор,на капакот, ободот и дното на телото фланкирани се птичии протоми. Овие постари форми на "Македонски" (Пајонски) бронзи, од периодот на развиеното железно време, VII - VI век пр.н.е., имале култен карактер, па често се идентификувани и како "култни" бронзи. Култниот карактер не го одредува само формата и местото на носење, туку и неговата содржини во која се регистрирани морфини - афионов катран. Тој секако ја имал клучната улога во култниот ритуал, иако неговата поблиска функција се уште не е задоволително дефинирана. Во рамки на "гевгелиската" културна група од железно време, наодите од овој тип се чести на некрополите, така да покрај овие две, пронајдени се нови примероци во гробните прилози на некрополата Болован - Богданци.

Археологија - Праисториска збирка